I über mi….goa ned so einfach…

Aufg´wachsn in an musikalisch´n Umfeld (Opa Quetschn-Spieler, Papa Sänger und Gitarrenspieler) hob i ganz boid de Leidenschaft fürs Singa, Musiziern und ois wos do dazua ghert entwickelt.

Mit 10 bin i zu unserm Chor dazua ganga, der mittlerweile a Singgemeinschaft mit 35 Leit is. Gsunga hamma weltlich und geistlich, oid und nei und zünftig wars immer! Aktuell sing ma hauptsächlich zu kirchlichen Anlässen, wo i aa Sopran-Soli und gern amoi wos Klassisches sing.

Gitarr spui i seit da Kindheit, verfeinere des oba seit a paar Joah, in dene i aa in verschiedenen Stub´nmusiken  mitgspuit hob.

Dank meiner Arbat ois pädagogische Zusatzkraft an da Grund- und Mittelschui kann i den Unterricht regelmäßig mit musikalischen Einheiten und Projekten ergänz´n und bereichern, demnächst aa im Ganzdog-Bereich.

Mei musikalisches, pädagogisches und didaktisches Wiss´n konnt i mit der Teilnahme am „Zertifizierungsprogramm zur Vermittlung von Volksmusik für Ganztagsbetreuung“ des Bayerischen Landesvereins für Heimatpflege, im letztn hoibatn Joah enorm vatiafa und festig´n.

Und iatzt wad i do….zum Vamittl´n…

- vo da Freid am Musiziern,

- vo da Leidenschaft am Singa und Tanzn,

- vom Spaß an da Bewegung mit Musik

- und vom guadn Gfui, des Musik in uns drin auslöst!

I soiba bin immer nu am Dazua-leana, oba des wos i kann, mecht i herzlich gern weida gem!